ထွက်ခွာခြင်း

ထွက်ခွာခြင်းရဲ့ လားရာအရပ်ဟာ
လှည့်ထွက်သွားမဲ့ ကျောခိုင်းခြင်းလား
လေပြေတွေ ခွန်းဆင့်တတ်မယ်ဆို
မှာလိုက်ချင်တယ် စကားတွေပေါ့
ရထားတွေရဲ့ ထွက်ခွာခြင်း
လေယျာဉ်တွေရဲ့ ထွက်ခွာခြင်း
ရေယျာဉ်တွေရဲ့ ထွက်ခွာခြင်းဟာ
စုန်ချည် ဆန်ချည် ခေါက်တုံ့ ရယ်မို့ 
မဆန်းစစ်ခဲ့မိပေမဲ့
ထွက်ခွာလုမှာ မတွေ့ ချင်ဘူး
မျက်အိမ်ဝန်းက ကြေကွဲခြင်းတွေ
ကျလုငယ်ဖြစ်နေတဲ့ မျက်ရည်တွေ
ဖြူဖွေးတဲ့ အသားရေပေါ်က
နီရောင်သန်းလာတဲ့ မျက်ခမ်းစပ်တွေ
စိတ်ရဲ့ ဒဏ်ရာ အနာစိမ်းတစ်ခု
ဖြစ်တည်ပြီးမှ သွေးစိမ်းရှင်ရှင် မထားခဲ့ပါနဲ့ 
လူးလားသွားလာခဲ့ဘူးတဲ့ ခြေလှမ်းတွေ
ရပ်တန့် လိုက်ပြီလား….။

ရပ်တန့် သွားမှာလား….။
အမြင်မှာတွေးရင်း ဆွေးချင်းတွေနဲ့ 
ကလူလို့ မြူကာဆော့
ခုတော့…ငါ့ရင်မှာ ဟင်လင်းပြင်ပေါ့……။

အန်တီလေး ဆူး